”ბარსა” ჩემპიონთა ლიგიდან ”ინტერმა” გამოაგდო, მაგრამ კატალონიელები არ დაიბნენ და მომენტალურად გადაერთვნენ პრიმერაზე. მას შემდეგ მათ ”ვილიარეალი”, ”სევილია” და ”ტენერიფე” დაამარცხეს. დარჩა მხოლოდ ერთი ტური, რომელშიც კატალონეილები ”ნოუ კამპზე” ”ვალიადოლიდს” უმასპინძლებენ და ეჭვი არავის ეპარება რომ თას კარლეს პუიოლი ასწევს.

მადრიდის ფინალში არმონაწილეობა ”ბარსასთვის” ნამდვილად დიდი იმედგაცრუება იყო, მაგრამ ფეხბურთელებმა ამ ”წაფორთხიალებას” სამი გამარჯვებით უპასუხეს. კატალონიელებმა გამარჯვებებთან ერთად, განაგრძეს იმ ფეხბურთეს ჩვენება, რომელიც მთელ მსოფლიოს აღაფრთოვანებს. ახლა მხოლოდ ”ვალიადოლიდი” ეღობება ”ბარსელონას” ტიტულისკენ მიმავალ გზაზე.

გამოვარდნის შემდეგ რეაქცია
მას შემდეგ, რაც კატალონიური კლუბი ჩემპიონთა ლიგიდან გამოვარდა, ”ბარსელონას” არც ერთი ქულა არ დაუკარგავს. კატალონიელებმა 21 გოლი გაიტანეს, ხოლო საკუთარ კარში მხოლოდ და მხოლოდ 5 მიიღეს.

ზედიზედ სამი გამარჯვება
”ბარსელონას” ჩემპიონთა ლიგიდან განთავისუფლების შემდეგ, ზოგზოგიერთ ადამიანს ეჭვი ეპარებოდა, რომ ეს შემადგენლობა შეძლებდა ოთხივე მატჩის წარმატებით დასრულებას, მაგრამ გამოჩნდა, რომ ეს ეჭვები უსაფუძვლოა, ყოველ შემთხვევაში ჯერჯერობით. კატალონიელებმა გამარჯვება მოიპოვეს გასვლით შეხვედრებში ”ვილიარეალისა” და ”სევილიას” წინააღმდეგ. სწორედ ამ გუნდებს უწინასწარმეტყველებდნენ ”ბარსელონასთან” არწაგებას. ”ტენერიფე” ”ნოუ კამპზე” დამარცხდა და ამასვე უწინასწარმეტყველებენ ”ვალიადოლიდს”.

შურისძიება თასიდან გამოგდებისთვის
ანდალუსიაში ბოლოს წინა ვიზიტის დროს, ”ბარსელონა” ესპანეთის თასის გათამაშებიდან გამოვარდა, რასაც ”სევილიელები” მათი მეკარის, პალოპის, თავგანწირულ თამაშს უნდა უმადლოდნენ. ამჯერად კი, ”ბარსა” ესპანეთის სამხრეთიდან დამსახურებული სამი ქულით დაბრუნდა